افغانستان کے صوبے ہرات میں گزشتہ روز 6.3 شدت کے زلزلے کے جھٹکے میں مرنے والوں کی تعداد 2300سے زائد ہو گئی ہے
رپورٹ : روبینہ یاسمین
گزشتہ شب 7 اکتوبر 2023 کو ایک جانب حماس کے اسرائیل پر حملے کی خبروں پردنیا کی توجہ مر کوز تھی تب دوسری طرف افغانستان کے صوبے ہرات میں صبح 11 بجے آنے والے زلزلے (جس کی شدت 6.3 ریکارڈ ہوئی) میں کم سے کم 15 افراد ہلاک اور 78 زخمی ہو ئے تھے
زلززلے کی تباہ کاریاں
امریکی جیولوجیکل سروے کے مطابق
زلزلے کا مرکز ہرات سے 40 کلومیٹر (25 میل) شمال مغرب میں تھا اور اس کے بعد 4.6 اور 6.3 شدت کے 7 آفٹر شاکس آئے
زلزلے کے پہلے جھٹکے کے بعد ہی لوگ بڑی تعداد میں عمارتوں سے باہر نکل آئے تھے
افغان حکام کے مطابق، زلزلے کے سبب انفرا اسٹرکچر کو شدید نقصان پہنچا
جبکہ بادغیس اور فرح صوبے میں بھی آفٹر شاکس محسوس کیے گئے
مرد، عورتیں اور بچے اونچی عمارتوں سے دور گلیوں میں ہی کھڑے رہے اور آفٹر شاکس کے بعد گھروں کو لوٹنے سے ہچکچا رہے ہیں
زلزلے کے باعث نیٹ ورک کنکشنز کو بھی نقصان پہنچا ہے اور متاثرہ علاقوں میں موجود لوگوں سے رابطہ نہیں ہوپارہا
زلزلے سے درجنوں عمارتیں اور مکانات منہدم ہوگئے ہیں اور امدادی کاموں کے درمیان
ملبے تلے دبے افراد کی لاشیں ملنے کا سلسلہ جاری ہے جس سے ہلاکتوں میں اضافہ متوقع ہے
غیر ملکی خبر رساں ادارے کے مطابق زلزلے سے مٹی کے تودے گرنے اور منہدم عمارتوں کے نیچے
لوگوں کے پھنسنے کی وجہ سے ہلاکتوں کی تعداد بڑھنے کی اطلاعات بھی دی گئی ہیں
ترجمان ڈپٹی گورنمنٹ نے کہا کہ زلزلے کے نتیجے میں
زندہ جان اور غوریان اضلاع کے ہرات کے 12 دیہاتوں میں600 سے زائد گھر تباہ
اور 4200 افراد متاثر ہوئے ہیں جبکہ ملبے سے مزید لوگوں کو نکالنے کیلئے سرچ اینڈ ریسکیو آپریشن جاری ہے
بدقسمتی سے زلزلے میں ہونے والی اموات بہت زیادہ ہیں اور زلزلے کے باعث ہرات کے خوفزدہ شہری سڑکوں پر موجود ہیں
یہ بھی پڑھیں
بالاکوٹ اور گردونواح میں زلزلے کے شدید جھٹکے
ضلع مستونگ میں دھماکے کے بعد تین روزہ سوگ کا اعلان
غیرقانونی طور پر مقیم افغان شہری پاکستان سے ملک بدر
افغانستان کے بعد زلزلے کے جھٹکے ایران، ترکمانستان اور ازبکستان میں بھی محسوس کیے گئے ہیں
اس وقت محض چند گھنٹے گزرنے کے بعد مرنے والوں کی تعداد2300سے تجاوز کر گئی ہے جبکہ 9 ہزار سے زائد افراد زخمی ہیں
واضح رہے اس سے قبل بھی گزشتہ سال2022جون میں افغانستان کے مشرقی حصے میں زلزلہ ریکارڈ کیا گیا تھا
جسے دو دہائیوں کا سب سے خطرناک زلزلہ قرار دیا گیا تھا
اس میں کم از کم1ہزار سے زائد افراد جاں بحق اور 1500کے قریب افراد زخمی ہوئے تھے
حا لیہ زلزلے کے نتیجے میں تباہی کا اندازہ اس وقت تک کرپانا بہت مشکل ہے
