توانائی کے موجودہ چیلنجوں سے نمٹنے کے لیے نئی اور
اختراعی مصنوعات متعارف کرانے کے لیے این آر ٹی سی
انرجی کی کوششیں قابل ستائش ہے۔ ناصر حسین
ویب نیوز رپورٹ: روبینہ یاسمین
کراچی: صوبائی وزیر برائے توانائی، منصوبہ بندی اور ترقی سید ناصر حسین شاہ نے نیشنل ریڈیو اینڈ ٹیلی کمیونیکیشن کارپوریشن (این آر ٹی سی) کا دورہ کیا۔
میجر جواد انجم(ریٹائرڈ)، سی ای او این آر ٹی سیانرجی بھی ہمراہ تھا۔ بریگیڈیئر محمد عاصم اسحاق، منیجنگ ڈائریکٹر نے ان کا پرتپاک استقبال کیا۔
اپنے دورے کے دوران سیدناصرحسین شاہ کو ایک جامع پریزنٹیشن دی گئی۔ اس موقع پر سیدناصرحسین شاہ نے این آر ٹی سی میں مختلف شعبوں کا دورہ کیا، جہاں انہوں نے مختلف محکموں اور لیبارٹریوں میں آلات کے مظاہرے دیکھے۔
حالیہ دورے نے جدت، معیار اور تعاون کے لیے این آر ٹی سی کی وابستگی اور اہمیت کو اجاگر کیا، جس سے ٹیلی کمیونیکیشن کی صنعت میں ایک رہنما کے طور پر اس کی پوزیشن کو تقویت ملی۔
سیدناصرحسین شاہ نے توانائی کے موجودہ چیلنجوں سے نمٹنے کے لیے نئی مصنوعات اور اختراعی مصنوعات لانے اور متعارف کرانے کے لیے این آر ٹی سی انرجی کی کوششوں کی تعریف کی۔
وزیر سید ناصر حسین شاہ کا اس موقع پر کہنا تھا کہ میں این آر ٹی سی میں جدید ٹیکنالوجیز اور جدت طرازی کی سطح سے بہت متاثر ہوں۔
: یہ بھی پڑھیں
جناح یونیورسٹی برائے خواتین شمسی توانائی پر منتقل
جنگی بحری جہاز پی این ایس حنین کانسٹنٹا پاکستان آرہا ہے
انہوں نے مزید کہا کہ، علیٰ معیار کے معیار کو برقرار رکھنے اور صنعت و اکیڈٰمیا کے تعاون کو فروغ دینے کے لیے ان کی لگن قابل تعریف ہے۔
سیدناصرحسین شاہ کا کہنا ہے کہ یہ ادارہ یشنل ریڈیو اینڈ ٹیلی کمیونیکیشن کارپوریشن (این آر ٹی سی) بلاشبہ تکنیکی ترقی اور خود انحصاری کی طرف ہمارے سفر کا سنگ بنیاد ہے۔ دورے کے موقع پر سولرائزیشن اور منی ونڈ ٹربائن سسٹم کے بارے میں بھی تبادلہ خیال ہوا۔
